Socialize

ஐ.நா.வின் உள்ளக அறிக்கையில் எழுப்பப்பட்டுள்ள விவகாரங்கள் பாரதூரமான கரிசனக்குரியவை. – இலங்கை வெளிவிவாகர அமைச்சு அறிக்கை வெளியிட்டது.

தாயகத்திலிருந்து விஜய்

ஐ.நா. அதிகாரிகளால் நவம்பர் 14 ஆம் திகதி கசியவிடப்பட்டதும் பின்னர் அன்றைய தினமே உத்தியோக பூர்வமாக வெளியிடப்பட்டதுமான இலங்கையின் இறுதிக் கட்ட யுத்தத்தின் போது ஐக்கிய நாடுகள் சபை செயற்பட்ட விதம் தொடர்பிலான “உள்ள மீளாய்வு அறிக்கை”(பெற்றி அறிக்கை) தொடர்பில் இலங்கை வெளிவிவாகர அமைச்சு வெளியிட்ட அறிக்கையில்> “அறிக்கையில் எழுப்பப்பட்டிருக்கும் சில விவகாரங்கள் இலங்கையின் பாரதூரமான கரிசனைக்குரியவையாகக் காணப்படுகின்றன” எனத் தெரிவிக்கப்பட்டிருக்கிறது. பெற்றி அறிக்கை தொடர்பில் இலங்கையின் வெளிவிவகார அமைச்சு நேற்று (23 வெள்ளிக்கிழமை) வெளியிட்டுள்ள அறிக்கையிலேயே இவ்வாறு தெரிவிக்கப்பட்டிருக்கிறது.

பெற்றி அறிக்கை ஊடகங்களுக்கு கசியவிடப்பட்டமை> அறிக்கையின் நேர்மை. அறிக்கையின் சில பகுதிகள் இருட்டடிப்புச் செய்யப்பட்டுள்ளமை தொடர்பாக இலங்கையின் வெளிவிவகார அமைச்சு வெளியிட்டுள்ள அறிக்கையில் விசனம் தெரிவிக்கப்பட்டுள்ளது. அத்துடன் அறிக்கை தொடர்பான இலங்கை அராசங்கத்தின் எதிர்ப்பை இலங்கையின் ஐ.நா சபைக்கான நிரந்தர வதிவிட பிரதிநிதி ஊடாக ஐ.நா.செயலாளர் நாயகத்தின் அலுவலகத்திற்கு தெரிவித்துள்ளதாகவும் தெரிவிக்கப்படுகிறது.

இலங்கை வெளிவிவகார அமைச்சு வெளியிட்டுள்ள அறிக்கையில்> தருஸ_மன் அறிக்கையும்> பெற்றியின் அறிக்கையும் ஐ.நா.விற்கான உள்ளக ஆலோசனைகளை வழங்குபவையாகும். தருஸ_மன் அறிக்கையும் ஆரம்பத்திலேயே கசியவிடப்பட்டிருந்தது. இப்போது பெற்றி அறிக்கையும் அவ்வாறே கசியவிடப்பட்டிருக்கிறது. இந்த விடயமானது ஆவணத்தின் உன்மைத்தன்மை பற்றிய கேள்வியை ஏற்படுத்துகின்றது எனத் தெரிவிக்கப்பட்டுள்ளது.

மேலும்> இந்த அறிக்கையின் உள்ளடக்கங்கள் தொடர்பாக கருத்துத் தெரிவிப்பதை இலங்கை அரசாங்கம் நோக்கமாகக் கொண்டிருக்கவில்லை. ஆயினும் அறிக்கையில் எழுப்பப்பட்டிருக்கும் சில விவகாரங்கள் இலங்கையின் பாரதூரமான கரிசனைக்குரியவையாகக் காணப்படுகின்றன எனத் தெரிவிக்கப்பட்டிருப்பதுடன்> அரச சார்பற்ற தொண்டர் நிறுவனங்கள் மற்றும் குறிப்பிட்ட சில கீழ்மட்ட ஐ.நா. அதிகாரிகளினால் தெரிவிக்கப்பட்ட ஆதாரமற்ற குற்றச்சாட்டுக்களை கொண்டவையாக தருஷ_மன் அறிக்கை மேற்கோள் காட்டியிருந்த விடயங்களே பெற்றியின் அறிக்கையில் காணப்படுகின்றன எனவும் தெரிவிக்கப்பட்டுள்ளது.

மேலும்> இந்த அறிக்கையானது தருஷ_மன் அறிக்கையின் ஆதாரமற்ற நம்பகத்தன்மையற்ற குற்றச்சாட்டுக்களுக்கு அங்கீகாரமளிப்பதற்கு முயற்சிக்கின்றது. அந்தக் குற்றச்சாட்டுக்கள் யுத்தத்தின் இறுதிக் கட்டத்தில் இடம் பெற்ற பாதிப்புக்கள் தொடர்பான எண்ணிக்கை தொடர்பானவை எனவும் வடக்குக்கான உணவு மற்றும் மருந்து வகைகள் உரிய முறையில் அனுப்பப் படவில்லை என்ற குற்றச்சாட்டு மற்றுமொரு ஆதாரமற்ற குற்றச்சாட்டு எனவும் வெளிவிவகார அமைச்சு வெளியிட்டுள்ள அறிக்கையில் குறிப்பிடப்பட்டுள்ளது.

அதேவேளை> புலிகள் பொது மக்களை மனித கேடயங்களாக பயன்படுத்தியமை தொடர்பில் எதுவும் குறிப்பிடப்பவில்லை எனவும் குறிப்பிடப்பட்டுள்ளது.

அத்துடன்> இந்த அறிக்கையானது உறுப்பு நாடுகளை விமர்சிப்பதாக அமைந்துள்ளது. ஐ.நா.வானது அரசாங்கங்களுக்கிடையிலான அமைப்பு என்பதும் அதன் உறுப்பினர்கள் சமத்துவமான இறைமையும் கௌரவத்தையும் கொண்டவர்கள் என்பதையும் மறந்து விட்டதாக தென்படுகிறது. தமக்கு வழங்கப்பட்ட ஆணை மற்றும் சாசனத்தின் பிரகாரம் இந்த அறிக்கையைத் தயாரித்தவர் செயற்பட வேண்டுமென நாங்கள் நினைவூட்டுகிறோம் எனவும் இலங்கை அரசாங்கத்தின் அறிக்கையில் தெரிவிக்கப்பட்டுள்ளது.

இலங்கை அரசாங்கம் பெற்றி அறிக்கை தொடர்பில் விசனத்தை வெளியிட்டிருக்கிற போதும் சர்தேச தலைவர்கள் மற்றும் அமைப்புக்கள்> தமிழ்த் தேசியக் கூட்டமைப்பு மற்றும் எதிர்க்கட்சிகள் இலங்கை அரசாங்கத்தினை குற்றம் சாட்டியிருக்கின்றன.

இதேவேளை, இன்னசிற்றி பிரஸ். “இலங்கை விவகாரத்தில் தோல்வி கண்டிருக்கும் நிலையிலும் போர்க்குற்றங்கள் தொடர்பாக அறிக்கை இடுவதை தடை செய்யும் ஒழுங்கு விதிகளை ஐ.நா.கொண்டிருப்பதாக” தெரிவித்திருக்கிறது.

Share This Post

DeliciousDiggGoogleStumbleuponRedditTechnoratiYahooBloggerMyspaceRSS